Жанчыну затрымалі за выказаныя думкі наконт вайны ва Украіне, а асудзілі за «распаўсюджванне экстрэмісцкіх матэрыялаў»
На выбарчым участку ў вёсцы Вольна 27 лютага затрымалі 51-гадовую Аксану Шарамета. У той дзень яна прыйшла прагаласаваць, на ўчастку пачалі абмяркоўваць напад Расіі на Украіну, падчас чаго Аксана выказалася супраць.
За гэта мясцовыя жыхары выклікалі на яе міліцыянтаў. Аксану даставілі ў Баранавіцкі РАУС, адабралі тэлефон, а пасля прагляду сацыяльных сетак склалі пратакол па арт. 19.11 КаАП. Праз тое, што яна даглядае маці, жанчыну адпусцілі дадому і адзначылі, што выклічуць праз позву.
Але раніцай 2 сакавіка жанчыну з дому забралі міліцыянты і адвезлі ў суд Баранавіцкага раёна. На пытанне пра тое, чаму ёй не даслалі позву, сілавікі адказалі, што «змяніліся абставіны». Як потым стала вядома, позва прыйшла праз дзень, а суд павінен быў адбыцца толькі 9 сакавіка.
У выніку, суд прызнаў Аксану вінаватай і аштрафаваў яе на 320 рублёў (10 базавых велічыняў).
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі68
Каментары