Літва будзе імкнуцца да таго, каб кіраўніком міжнароднай арганізацыі паліцыі Інтэрпал не стаў абраны прадстаўнік Расіі Аляксандр Пракапчук, заявіла ў аўторак літоўскае МУС.
Кіраўніка Інтэрпала абяруць у сераду. Па словах кіраўніка МУС Літвы Эймуціса Місюнаса, у выпадку, калі цяперашні віцэ-прэзідэнт Інтэрпала А. Пракапчук пераможа на выбарах, «Інтэрпал стане палітызаванай прыладай рэжымнай расправы».
У гэтым выпадку Літва будзе вымушаная разгледзець магчымасць выхаду з гэтай арганізацыі, заявілі ў аўторак у парламенце краіны.
«Калі А. Пракапчук будзе абраны кіраўніком Інтэрпала, то Літва разам з іншымі дэмакратычнымі краінамі павінна будзе неадкладна разгледзець магчымасць выхаду з гэтай арганізацыі», - гаворыцца ў рэзалюцыі, прынятай у аўторак сеймам Літвы. За гэтую рэзалюцыю прагаласавалі 88 дэпутатаў, не было ніводнага супраць, сем устрымаліся.
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы72
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары