Гран-пры прэміі спажывецкага прызнання «Народная марка» атрымала кампанія «Савушкаў прадукт».
Народнае галасаванне вызначыла найлепшыя прадукты Беларусі. На працягу месяца арганізатары прэміі распаўсюдзілі каля 2 мільёнаў анкет і апыталі амаль 3 тысяч чалавек ва ўсіх рэгіёнах. Пытанні не ўтрымлівалі варыянтаў адказаў, гэта значыць рэспандэнты павінны былі без падказак ўспомніць і назваць любімыя гандлёвыя маркі.
Сярод харчовых тавараў беларусы аддалі перавагу «Савушкаву прадукту», які з трохразовым адрывам абышоў іншыя гандлёвыя маркі. У пералік папулярных таксама ўвайшлі вытворцы шакаладу, мукі, рыбных і мясных вырабаў.
Акрамя гран-пры, найлепшыя прадукты харчавання выбіралі па 58 катэгорыях, у тым ліку ў «малочцы». У традыцыйных малочных прадуктах большасць (45% рэспандэнтаў) аддала галасы за «Савушкаў прадукт». Ёгурты гэтай брэсцкай вытворчасці абраў кожны другі (55,8% удзельнікаў апытання). А вось самыя папулярныя цвёрдыя сыры, як паказала даследаванне, выпускаюць пад маркай «Брэст-Літоўск», а плаўленыя — «Ласкавае лета».
Прэмію «Народная марка» ўручаюць у Беларусі шосты раз. Апытанне праводзілася ва ўсіх рэгіёнах па рэпрэзентатыўнай выбарцы, якая ўлічвае партрэт беларускага пакупніка. Так, каля 60% рэспандэнтаў склалі жанчыны, а 40% — мужчыны. Больш за ўсё апытаных (36, 8%) склалі спажыўцы ва ўзросце ад 25 да 34 гадоў.
-
Прэзідэнт Польшчы пасмяротна ўзнагародзіў Аляксандра Мілінкевіча Афіцэрскім крыжам ордэна «За заслугі перад Рэспублікай Польшчай»
-
Памятаеце генерала Яўсеева, які ўласнаручна разганяў пратэсты? Цяпер ён адказвае за фізкультуру ў Смалявічах
-
У Варшаве развітваюцца з Аляксандрам Мілінкевічам ФОТАРЭПАРТАЖ
Каментары