Hran-pry premii spažyvieckaha pryznańnia «Narodnaja marka» atrymała kampanija «Savuškaŭ pradukt».
Narodnaje hałasavańnie vyznačyła najlepšyja pradukty Biełarusi. Na praciahu miesiaca arhanizatary premii raspaŭsiudzili kala 2 miljonaŭ ankiet i apytali amal 3 tysiač čałaviek va ŭsich rehijonach. Pytańni nie ŭtrymlivali varyjantaŭ adkazaŭ, heta značyć respandenty pavinny byli biez padkazak ŭspomnić i nazvać lubimyja handlovyja marki.
Siarod charčovych tavaraŭ biełarusy addali pieravahu «Savuškavu praduktu», jaki z trochrazovym adryvam abyšoŭ inšyja handlovyja marki. U pieralik papularnych taksama ŭvajšli vytvorcy šakaładu, muki, rybnych i miasnych vyrabaŭ.
Akramia hran-pry, najlepšyja pradukty charčavańnia vybirali pa 58 katehoryjach, u tym liku ŭ «małočcy». U tradycyjnych małočnych praduktach bolšaść (45% respandentaŭ) addała hałasy za «Savuškaŭ pradukt». Johurty hetaj bresckaj vytvorčaści abraŭ kožny druhi (55,8% udzielnikaŭ apytańnia). A voś samyja papularnyja ćviordyja syry, jak pakazała daśledavańnie, vypuskajuć pad markaj «Brest-Litoŭsk», a płaŭlenyja — «Łaskavaje leta».
Premiju «Narodnaja marka» ŭručajuć u Biełarusi šosty raz. Apytańnie pravodziłasia va ŭsich rehijonach pa reprezientatyŭnaj vybarcy, jakaja ŭličvaje partret biełaruskaha pakupnika. Tak, kala 60% respandentaŭ skłali žančyny, a 40% — mužčyny. Bolš za ŭsio apytanych (36, 8%) skłali spažyŭcy va ŭzroście ad 25 da 34 hadoŭ.
Ciapier čytajuć
Što Babaryka i Kaleśnikava adkazali na pytańni pra vajnu97
Kamientary