Аляксандр Лукашэнка даў згоду на прызначэнне Андрэя Жышкевіча старшынёй праўлення Банка развіцця Беларусі, піша БелТА.
Раней пасаду кіраўніка Банка развіцця займаў Сяргей Румас.
Да цяперашняга часу Андрэй Жышкевіч узначальваў Мінскі транзітны банк (МТБанк). Кіраўнік дзяржавы пры разглядзе кадравага пытання адзначыў, што на гэтую пасаду было шмат кандыдатур, аднак Андрэя Жышкевіча рэкамендавалі старшыня праўлення Нацыянальнага банка і міністр фінансаў.
Як распавёў прадстаўнікам СМІ Андрэй Жышкевіч, пры ўзгадненні прызначэння Аляксандр Лукашэнка выказаў упэўненасць, што банк працягне займаць актыўную пазіцыю з пункту гледжання рэалізацыі важных для развіцця краіны праектаў. У тым ліку адным з асноўных напрамкаў яго дзейнасці застанецца падтрымка экспарту.
Жышкевіч Андрэй Казіміравіч нарадзіўся ў 1973 годзе ў вёсцы Баброва Дубровенскага раёна. У 1995 годзе скончыў БДУ па спецыяльнасці «праграмнае забеспячэнне вылічальнай тэхнікі і аўтаматызаваных сістэм», а таксама па спецыяльнасці «эканамічная кібернетыка», у 1998 годзе — юрыдычны факультэт, у 2002-м - аспірантуру НДІ эканомікі Мінэканомікі Беларусі. Маюць вучоную ступень кандыдата эканамічных навук.
У 1995—1999 гадах займаў розныя пасады ў Белзнешэканамбанк, с1999 па 2001 год працаваў у Банку міжнароднага гандлю і інвестыцый, з 2002 па 2005 год - намеснік старшыні праўлення ЗАТ «Мінскі транзітны банк». Кіраваў МТБанкам з сакавіка 2005 года
Цяпер чытаюць
У Мінску завяршылі будаўніцтва пяцізоркавага гатэля на месцы колішняга «Белэкспа»9
У Мінску завяршылі будаўніцтва пяцізоркавага гатэля на месцы колішняга «Белэкспа»
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю33
Каментары