Грамадства

Хатні гвалт. Як зразумець, што вы ў небяспецы і куды звяртацца па дапамогу? ІНФАГРАФІКА

У інтэрнэце зараз збіраюць подпісы за распрацоўку і прыняцце ў Беларусі законапраекта па супрацьдзеянні хатняму гвалту. Пакуль закон так і не прыняты, мы нагадваем, што такое хатні гвалт, якім ён бывае, як зразумець, што вы ў небяспецы, і, самае галоўнае, куды звяртацца ў такіх выпадках.

На гэтыя пытанні адказала Вераніка Пацэпня, юрыстка беларускай арганізацыі «Цэнтр па прасоўванню правоў жанчын — Яе правы».

Хатні гвалт таму і называецца хатнім, бо адбываецца ўнутры сям'і. Ён здараецца, калі адзін член сям'і гвалтуе другога ў фізічным, псіхалагічным, эканамічным ці сэксуальным плане

Гвалт можа здзяйсняцца ў адносінах паміж мужам і жонкай, бацькамі і дзецьмі або паміж дзецьмі.

Хатні гвалт можа быць наступных відаў:

Фізічны

Прамое і ўскоснае ўздзеянне на ахвяру, каб прычыніць фізічную шкоду. Калі вас б’юць, штурхаюць, даюць аплявухі, тузаюць — гэта фізічны гвалт.

Псіхалагічны

Калі вас кантралююць, пужаюць, пагражаюць, абражаюць, шантажыруюць — гэта псіхалагічны гвалт.

Эканамічны

Матэрыяльны ціск, калі некаму забараняецца вучыцца ці працаваць, яго пазбаўляюць фінансаў альбо цалкам кантралююць усе пакупкі.

Сэксуальны

Гвалтоўныя дзеянні, пры якіх чалавека сілай, пагрозамі, зманам прымушаюць да якой-небудзь формы сэксуальных адносін.

Трэба адзначыць, што часцей за ўсё віды гвалту носяць комплексны характар.

Сямейны гвалт мае пэўны цыкл, які складаецца з наступных перыядаў: нарастанне напружання — акт гвалту — прымірэнне — «мядовы месяц».

Нарастанне напружання ў сям'і. Узрастае незадаволенасць у адносінах і парушаюцца зносіны паміж членамі сям'і.

Гвалтоўны інцыдэнт. Адбываецца ўспышка жорсткасці вербальнага, эмацыйнага або фізічнага характару. Суправаджаецца злосцю, спрэчкамі, абвінавачваннямі, пагрозамі, запалохваннем.

Прымірэнне. Крыўдзіцель прыносіць прабачэнні, тлумачыць прычыну жорсткасці, перакладае віну на пацярпелага, часам адмаўляе тое, што адбылося, ці пераконвае пацярпелага ў перабольшанні падзей.

Спакойны перыяд у адносінах («мядовы месяц»). Гвалтоўны інцыдэнт забыты, крыўдзіцель дараваны. Фаза называецца «мядовы месяц», таму што якасць адносін паміж партнёрамі на гэтай стадыі вяртаецца да першапачатковай.

Пасля «мядовага месяца» адносіны вяртаюцца на першую стадыю, і цыкл паўтараецца. З цягам часу кожная фаза становіцца карацей, успышкі жорсткасці пачашчаюцца і прычыняюць большую шкоду. Пацярпелы не ў стане ўрэгуляваць сітуацыю самастойна.

Куды звяртацца, калі вы церпіце ад хатняга гвалту?

  1. Праваахоўныя органы, міліцыя. Калі вы вырашылі пакараць крыўдзіцеля, вы можаце звярнуцца ў праваахоўныя органы па тэлефоне 102. 
  2. Медыцынскія ўстановы. Калі вы пацярпелі ад фізічнага гвалту, вы можаце звярнуцца ў медыцынскія ўстановы па месцы жыхарства і «зняць» пабоі. У далейшым заключэнне доктара можа дапамагчы вам, калі вы вырашыце пакараць крыўдзіцеля.
  3. Тэрытарыяльныя цэнтры сацыяльнага абслугоўвання насельніцтва (ТЦСАН). У штаце большасці ТЦСАН ёсць псіхолагі, спецыялісты па сацыяльнай рабоце, якія могуць дапамагчы разабрацца ў сітуацыі, пры неабходнасці перанакіраваць вас у адпаведныя ўстановы. Акрамя гэтага, пры некаторых ТЦСАН арганізавана работа крызісных пакояў і аддзяленняў, якія могуць даць часовы прытулак.
  4. Грамадскія арганізацыі. У Беларусі існуе шэраг грамадскіх арганізацый, якія могуць аказаць вам псіхалагічную, сацыяльную, часам і юрыдычную дапамогу, калі вы патрапілі ў сітуацыю хатняга гвалту.

Вось некаторыя з арганізацый, куды можна звярнуцца:

  • Міжнароднае грамадскае аб'яднанне «Гендарныя перспектывы»: https://www.genderperspectives.by/ 
  • 8-801-100-8-801 — агульнанацыянальная гарачая лінія для пацярпелых ад хатняга гвалту
  • Грамадскае аб'яднанне «Беларуская асацыяцыя маладых хрысціянскіх жанчын»: http://ywca.by/, http://ostanovinasilie.org/
  • 8 033 603 20 32 — лінія для грамадзян у сітуацыі хатняга гвалту
  • Грамадскае аб'яднанне «Радзіслава»: https://karta-nasiliya.by
  • 8 029 610 83 55 — тэлефон экстранай дапамогі для размяшчэння ў прытулак для жанчын і іх дзяцей, якія пацярпелі ад гвалту (кругласутачна)
  • «Цэнтр па прасоўванні правоў жанчын — Яе правы» http://www.eeprava.by/
  • +37517 221 66 33 +37529 635 56 62 +37533 675 56 62
  • Час працы: з панядзелка па чацвер 09:00 — 17:00;
  • Электронная пошта: [email protected]

Каментары

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць