Дзярждума РФ прыняла ў трэцім, канчатковым чытанні законапраект, згодна з якім забараняецца размяшчаць на вуліцах інфармацыйныя табло з курсамі замежных валют. Пра гэта гаворыцца на сайце ніжняй палаты расійскага парламента.
Новая рэдакцыя закона «Аб валютным рэгуляванні і валютным кантролі» дае Цэнтрабанку права вызначаць для крэдытных арганізацый патрабаванні да размяшчэння інфармацыі аб курсах валют. Раней у ЦБ РФ тлумачылі неабходнасць такой забароны барацьбой з незаконнымі абменнікамі, якія актыўна выкарыстоўваюць знешнюю рэкламу для прыцягнення насельніцтва.
На думку рэгулятара, праблему можна вырашыць, толькі калі абавязаць крэдытныя ўстановы размяшчаць табло з курсамі валют унутры памяшканняў.
Каментары