УКантакце афіцыйна запусціла асобны месенджар. Але ў Беларусі ён пакуль што не працуе
Карыстальнікі інтэрнэту ў Казахстане атрымалі магчымасць усталяваць і выкарыстоўваць новую праграму «Укантакце» — месенджар VK Me. Праграму распрацавалі для платформаў iOS і Android.
Месенджар дазваляе абменьвацца паведамленнямі з сябрамі «Укантакце» і людзьмі, чые нумары ёсць у тэлефоннай кнізе прылады, здзяйсняць званкі (у тым ліку відэа) і абменьвацца галасавымі паведамленнямі, адпраўляць музыку, фоты і ролікі, а таксама пераводзіць грошы.
«У любы момант пераключайцеся паміж VK Me і праграмай Укантакце», — гаворыцца ў апісанні — распрацоўшчыкі адзначаюць, што гэта можна рабіць адной кнопкай.
Папулярная сацыяльная сетка Facebook выдзеліла месенджар у асобную праграму яшчэ ў 2014 годзе, пасля чаго яе сталі актыўна крытыкаваць карыстальнікі. Прадстаўнікі «Укантакце» падкрэсліваюць, што перапісвацца можна будзе, нават калі на смартфоне не ўстаноўлены VK Me.
Цяпер чытаюць
Дашкевіч расказаў, як трапіў за кратамі ў «нізкі статус» і напісаў прашэнне аб памілаванні6
Каментары