У Магілёўскай абласной бібліятэцы патлумачылі, чаму адмовіліся ад бясплатнага пяцітомніка Святланы Алексіевіч
Дырэктар Магілёўскай абласной бібліятэкі адрэагавала на заяву сяброў Беларускай асацыяцыі журналістаў, якія заклікалі прыняць у падарунак пяцітомнік «Галасы утопіі» Алексіевіч на беларускай мове.
Грошы на кнігі пісьменніцы збіралі па ўсёй краіне пры дапамозе краўдфандынга — усяго 110 тысяч даляраў на 15 тысяч асобнікаў. Найбольшы ўнёсак даў «Белгазпромбанк». Усе кнігі планавалася бясплатна перадаць у бібліятэкі краіны. Аднак у Магілёўскай вобласці ад падарунка адмовіліся.
Сябры Беларускай асацыяцыі журналістаў Магілёўскага рэгіёну, абураныя такімі адносінамі да твораў Алексіевіч, падрыхтавалі спецыяльную заяву. У ім яны запатрабавалі назваць тых, хто адмовіўся прымаць кнігі ў дар, паведаміць, чым аргументаваная такая адмова і што зрабіць, каб кнігі Алексіевіч ўсё ж такі дабраліся да паліц бібліятэкі.
У адказ дырэктар Магілёўскай абласной бібліятэкі імя Леніна Ілона Сарокіна паведаміла, што ў яе ўстанове любы жадаючы можа азнаёміцца з кнігамі Святланы Алексіевіч. Новы пяцітомнік, сцвярджае Сарокіна, у іх ужо ёсць.
— Паколькі электронны фонд бібліятэкі змяшчае ўсе наяўныя творы аўтара, любы карыстальнік можа знайсці даныя і пра новае выданне — «Галасы утопіі», выдадзеныя ў 2018 годзе, — заявіла дырэктар.
На сайце бібліятэкі сапраўды ёсць інфармацыя пра наяўнасць «Часу сэканд-хэнд», «Чарнобыльскай малітвы», «Цынкавых хлопчыкаў», «Апошніх сведак» і «У вайны не жаночы твар», якія ўваходзяць у пяцітомнік «Галасы утопіі».
Як запэўніла Ілона Сарокіна, у наведвальнікаў не будзе праблем з атрыманнем гэтых кніг.
-
Расіяніну, які п'яным пабіўся з ахоўнікамі мінскага метро, вынеслі лагодны прысуд
-
Латушка пра магчымасць вайны ў Беларусі: Гэта ж вар'яцтва, не ўяўляю, як крамлёўская прапаганда будзе тлумачыць гэта
-
«Да канца года, спадзяюся, зможам рэалізаваць адну-дзве рэчы». Бабарыка — пра свой новы праект і беларускую мову
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»30
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары