Міністэрства замежных спраў Грэцыі назвала каментар расейскага МЗС адносна рашэння парламента Македоніі аб перайменаванні краіны умяшаннем у справы Грэцыі.
Раней МЗС Расіі апублікаваў каментар, у якім асудзіў перайменаванне Македоніі і заклікаў разгледзець гэтае пытанне ў Радзе Бяспекі ААН.
У грэчаскім ведамстве заявілі, што каментар Масквы «не сумяшчальны з узроўнем дружалюбных адносін дзвюх краін».
«Зварот да палітычнага развіцця ўнутраных падзей у дружалюбных краінах з боку расійскага МЗС не адпавядае ўзроўню, які характарызуе адносіны паміж Грэцыяй і Расіяй, і даўнім сувязях дружбы паміж нашымі народамі», — гаворыцца ў заяве.
У ведамстве падкрэслілі, што каментар МЗС Расіі ігнаруе грэчаскія дэмакратычныя інстытуты і з'яўляецца ўмяшальніцтвам ва ўнутраныя справы краіны.
Таксама Афіны папракнулі Маскву тым, што тая гадамі прызнавала былую югаслаўскую рэспубліку Македонія як «Рэспубліку Македонія», ведаючы пра датклівае стаўленне грэчаскага народа да гэтай назвы.
«Мы чакаем, што МЗС Расіі ў далейшым будзе ўстрымлівацца ад такіх заяў, якія з'яўляюцца ўмяшаннем ва ўнутраныя справы Грэцыі», — гаворыцца ў заяве МЗС Грэцыі.
-
Эстонія цалкам закрывае мяжу з Расіяй з 1 снежня. Прычынай стала спроба ГРУ ўзарваць і спаліць завод па вытворчасці дронаў пад Талінам
-
Пяць краін Еўрасаюза адкрываюць у Руандзе першы афрыканскі лагер для дэпартаваных мігрантаў. Раней Брытанія страціла на падобнай схеме амаль мільярд даляраў, выслаўшы чатырох чалавек
-
На Канары за суткі прыбылі амаль паўтары тысячы мігрантаў
Цяпер чытаюць
Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал10
Каментары