142 працы заходнебеларускіх мастакоў віленскай школы выстаўленыя ў Інстытуце мастацтвазнаўства, этнаграфіі і фальклору Нацыянальнай акадэміі навук.
142 працы заходнебеларускіх мастакоў віленскай школы выстаўленыя ў Інстытуце мастацтвазнаўства, этнаграфіі і фальклору Нацыянальнай акадэміі навук.
У Інстытуце мастацтвазнаўства, этнаграфіі і фальклору Нацыянальнай акадэміі навук Беларусі 16 снежня адкрылася выстава ARS incоgnita, на якой дэманструецца творчасць мастакоў Заходняй Беларусі першай паловы XX стагоддзя — выпускнікоў мастацкіх навучальных устаноў Вільні.
У экспазіцыі прадстаўлены 142 работы Язэпа Драздовіча, Сяргея Вішнеўскага, Дзмітрыя Крачкоўскага, Пятра Сергіевіча, Міхася Сеўрука, Васіля Сідаровіча і Паўла Южыка.
Гэта пейзажы, партрэты, тэматычныя карціны, эскізы роспісаў храмаў, гравюры і разьба па дрэве, якія захоўваюцца ў прыватных калекцыях.
Адкрываючы выставу, яе куратар Таццяна Гаранская зазначыла, што на працягу апошніх гадоў творчая грамадская арганізацыя «Мастак» знаёміла мінчан з невядомымі творамі заходнебеларускага мастацтва. Паводле яе слоў, на гэтую тэму ў канцы будучага года прадугледжваецца выданне манаграфіі на беларускай, літоўскай і польскай мовах, а таксама прэзентацыя выставы ARS incоgnita ў Вільні.
«Галоўная задача выставы ў тым, каб прыцягнуць увагу айчынных музеяў да творчасці мастакоў Заходняй Беларусі. Мы імкнемся да таго, каб работы гэтых майстроў, якія захоўваюцца ў іх нашчадкаў і калекцыянераў, трапілі ў фонды беларускіх музеяў», — падкрэсліла Т.Гаранская. Паводле яе слоў, дагэтуль спецыялістам невядомыя прыкладна 90% твораў вышэйназваных майстроў.
За пошук, рэстаўрацыю і папулярызацыю творчасці мастакоў Заходняй Беларусі, а таксама за падрыхтоўку экспазіцыі мастацтвазнаўца выказала ўдзячнасць доктару філалагічных навук Арсеню Лісу, мастакам Віктару Маркаўцу, Ігару Бархаткову і Ўладзіміру Крукоўскаму.
Паводле слоў дарадцы пасольства Літвы ў Беларусі Дарыюса Віткаўскаса, мастацтва «знаходзіць дастойнае месца ў літоўска‑беларускіх адносінах», а таксама надзею на тое, што культура «стане мостам» супрацоўніцтва і ўнясе ў яго «свае фарбы і адценні».
Падчас вернісажу адбыўся круглы стол па праблемах выяўлення, музеефікацыі, рэстаўрацыі і захавання мастацкай спадчыны творцаў Заходняй Беларусі.
Выстава працуе да 25 снежня.
Адрас: вул. Сурганава, 1, корп. 2.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім4
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары