Лукашэнку запрасілі на інаўгурацыю новага імператара Японіі
Гэта паведаміў журналістам 8 лютага кіраўнік дыпламатычнай місіі Японіі ў Беларусі Хірокі Такунага, піша Радыё Свабода.
«Цырымонія ўзыходжаньня новага імператара на трон прызначаная на 22 кастрычніка. У ёй прадугледжаны ўдзел лідараў дзяржаў. Сярод запрошаных і Аляксандр Лукашэнка. Калі ён наведае Токіа, гэта будзе для нас вялікі гонар», — сказаў дыплямат.
Паводле японскіх традыцыяў, гэтая цырымонія праходзіць у два этапы. 30 красавіка адбудзецца адрачэнне дзейнага імператара ад трона, 1 мая адзначаецца ўступленне наследнага прынца на пасад. Але абедзьве гэтыя цырымоніі праводзяцца толькі з удзелам грамадзянаў Японіі.
А вось цырымонія ўзыходжання на пасад святкуецца з удзелам іншаземцаў.
Каментары