Джым Брайдэнстайн, кіраўнік NASA, і вядучыя ўдзельнікі місіі Opportunity афіцыйна абвесцяць пра яе завяршэнне і страту марсахода, які не перажыў леташнюю пылавую буру.
Марсаход Opportunity, які адправілі на Чырвоную планету ў 2004-м, праслужыў NASA ажно 15 гадоў.
У першых чыслах чэрвеня мінулага года на Марсе пачалася магутная пылавая бура, якая ахапіла большую частку кратара Індэвар, дзе працуе марсаход Opportunity. Праз некалькі дзён пасля яе пачатку сітуацыя настолькі пагоршылася, што інжынерам місіі прыйшлося перавесці марсаход у рэжым надзвычайнага становішча і адключыць усе яго інструменты, за выключэннем гадзінніка.
Бліжэй да сярэдзіны чэрвеня, як паказалі здымкі з марсахода Curiosity, які працуе фактычна на супрацьлеглым баку планеты, бура ахапіла ўвесь Марс і афіцыйна дасягнула планетарных маштабаў.
У пачатку жніўня колькасць пылу ў атмасферы ўпала ў некалькі дзясяткаў разоў, што прыкметна палепшыла сітуацыю. Нягледзячы на тое, што ўдзельнікі місіі Opportunity не чакалі сур'ёзных праблем, марсаход не прачнуўся і не выходзіў на сувязь на працягу апошніх пяці месяцаў, нягледзячы на бесперапынныя спробы NASA «ажывіць» яго.
