Уладзіслаў Ганчароў перамог на этапе Кубка свету па скачках на батуце ў Баку, паведамляе БелТА.
У фінале алімпійскі чэмпіён Рыа-2016 пацвердзіў свой клас. Другі радок у выніковым пратаколе заняў прынцыповы супернік беларуса кітаец Донь Донь. На трэцім месцы Даікі Кішы з Японіі.
У сінхронных скачках беларускі дуэт Уладзіслаў Ганчароў і Алег Рабцаў ў кваліфікацыі сталі першымі, а ў вырашальнай стадыі ў барацьбе за медалі атлеты занялі другое месца. Першае месца ў японскай пары Даікі Кішы і Р'юсуке Касаі.
У спаборніцтвах сярод жанчын у сінхронных скачках на верхнюю прыступку п'едэстала падняліся беларускі Валянціна Багамолава і Ангеліна Хацян, якія апярэдзілі дуэт з Аўстраліі (другое месца) і Бразіліі (трэцяе месца).
У індывідуальных скачках сярод жанчын беларуска Марыя Махарынская, якая аднавілася пасля траўмы, заняла чацвёртае месца, а перамогу святкавала Лю Ліньлінь.
Кубак свету у 2019 годзе з'яўляецца ліцэнзійным да Алімпійскіх гульняў у Токіа. У Баку выступілі 200 атлетаў з 31 краіны.
-
Спецпасланнік Трампа прапанаваў ФІФА замяніць зборную Ірана на чэмпіянаце свету еўрапейскай камандай. Ідэя па-валюнтарысцку дзіўная
-
Нарвегія адмовілася прымаць міжнародныя турніры па водных відах спорту, пратэстуючы супраць беларусаў і расіян са сцягамі
-
Трэнера зборнай Беларусі могуць прызнаць найлепшым у свеце
Цяпер чытаюць
Ад рэкету да продажу фота магіл. Як выглядае знутры групоўка Project X, якая вярбуе людзей для перавозкі мігрантаў з Беларусі ў ЕС4
Каментары