Распрацаваны новыя стравы для харчавання вучняў 1-11-х класаў, паведамілі карэспандэнту агенцтва «Мінск-Навіны» ў Галоўным упраўленні спажывецкага рынку Мінгарвыканкама.
— Плануецца ўкараненне распрацаваных страў у дзеючае двухтыднёвае школьнае меню, — пракаментавалі ў ГУСР, — працэс будзе працягвацца з 18 лютага па 1 сакавіка гэтага года і закране 20 харчблокаў школ і гімназій Мінска.
У рацыён харчавання будуць уключаны такія новыя стравы: салаты «Вясенні» і «Свежасць», катлеты «Выдатнік» і «Загадка», каўбаска «Пераменка», шніцаль «Карпыч», бульбяная бабка «Школьная», каша «Сонечная», «Маннік ванільны», здоба «Усмешка», кекс «Зебра», слодыч мучная «Медавічок» і іншыя.
Каб высветліць, ці спадабаліся навінкі, дзецям прапануюць запоўніць анкету. Па выніках апытання найбольш запатрабаваныя з новых страў уключаць у двухтыднёвае меню ўсіх школ на вясенні перыяд.
Каментары