сабралі прадпрымальнікі рынку раёну Саломінка.
сабралі прадпрымальнікі рынку раёну Саломінка.
Ленінскі суд Магілёва прыняў да разгляду пазоў жыхара мікрараёну Саломінка Ігара Каваленкі супраць гарвыканкаму. Гарвыканкам адмовіўся рэгістраваць ініцыятыўную групу па правядзеньні мясцовага рэфэрэндуму, што й стала прычынай для суду. Сёньня судзьдзя Галіна Тарасава паведаміла пазоўніку, што працэс пачнецца 16 студзеня і ён абавязаны забясьпечыць яўку на яго ўсіх 27 сяброў ініцыятыўнай групы.
Мясцовы рэфэрэндум ініцыявалі гандляры рынку «Крыніца», што месьціцца ў мікрараёне Саломінка. Гарвыканкам пастанавіў на месцы рынку ўзьвесьці спарткомплекс, а рынак перанесьці. На рынку працуюць паўтары сотні гандляроў. Праз рэфэрэндум прадпрымальнікі хацелі высьветліць, ці падтрымліваюць жыхары мікрараёну гэты намер улады. Яны назьбіралі ў сваю падтрымку 6000 подпісаў жыхароў мікрараёну Саломінка.
Ініцыятыўную групу па правядзеньні рэфэрэндуму гарвыканкам не зарэгістраваў. Тады гандляры й вырашылі шукаць праўды праз суд.
Каментары