Заявіў на прэс-канферэнцыі ў Мінску надзвычайны і паўнамоцны пасол Палесціны ў Беларусі Мунтасер Абу Зейд.
Ён заклікаў краіны Еўрасаюза і ЗША "ўмяшацца ў канфлікт і прымусіць Ізраіль выконваць рэзалюцыі ААН па мірным урэгуляванні канфлікту". "Мы гатовы выконваць усе рэзалюцыі ААН, усе пагадненні, падпісаныя з Ізраілем", — падкрэсліў пасол.
Мунтасер Абу Зейд зазначыў, што "ЗША мае высокую адказнасць" у вырашэнні канфлікту. "Гэта краіна, якая можа прымусіць Ізраіль спыніць агрэсію", — сказаў ён.
Пасол лічыць, што "палесцінскі народ цяпер пакутуе гэтак жа сама, як беларускі падчас Вялікай Айчыннай вайны".Ён паведаміў, што з 27 снежня ў Палесціне загінула 400 чалавек, у тым ліку 50 дзяцей. Яшчэ 2 тысячы чалавек параненыя, у тым ліку 200 — цяжка.
30 снежня Еўрасаюз заклікаў Ізраіль і групоўку ХАМАС да неадкладнага і пастаяннага спынення агню. У спецыяльнай заяве падкрэсліваецца, што ўрэгуляванне канфлікту павінна насіць мірны характар. Міністры краін Еўрасаюза таксама заклікалі адкрыць усе прапускныя пункты на мяжы з Егіптам і Ізраілем, каб эвакуіраваць параненых і даставіць у сектар Газа харчаванне і лекі.
27 снежня ізраільская авіяцыя атакавала дзесяткі штабоў, трэніровачных цэнтраў і складаў зброі, якія выкарыстоўваюць радыкальныя групоўкі і ісламісцкая паліцыя ў сектары Газа. Колькасць ахвяр авіяналётаў набліжаецца да 400.
Мэтай аперацыі, якая атрымала назву "Літы свінец", ізраільскія ўлады называюць поўнае спыненне ракетных абстрэлаў з боку палесцінскіх баевікоў і папярэджваюць, што баявыя дзеянні будуць працягвацца і — пры неабходнасці — пашырацца.
Палесцінцы адказваюць ракетна-мінамётнымі абстрэламі сумежных раёнаў Ізраіля.
Бабарыка пра сябе ў 2020-м: Гэта не наіўнасць. Не думаю, што такога крыважэрнага сцэнара нехта чакаў79
Каментары