Раніцай 11 красавіка Аяз Гуліеў, які выступае за маскоўскі «Спартак», уступіў у канфлікт з амерыканскім турыстам. Паўабаронца быў за рулём «Мерседэса». Ён праігнараваў сігнал святлафора і праехаў па пешаходным пераходзе, зачапіўшы амерыканца. Іншаземец нібыта ўдарыў па аўтамабілі, чым выклікаў агрэсіўную рэакцыю Гуліева. Завязалася бойка, у выніку якой турыст атрымаў пералом носа, паведамляе lenta.ru
Кіраўніцтва «Спартака» ўжыве да Гуліева дысцыплінарныя санкцыі.
«Наш клуб асуджае любыя праявы гвалту і лічыць падобныя паводзіны свайго гульца недапушчальным», - сцвярджаецца ў заяве «Спартака». Адзначаецца, што нягледзячы на тое, што Гуліеў і пацярпелы ўладзілі канфлікт, кіраўніцтва клуба пакарае гульца.
Lenta.ru нагадвае, што цяпер у СІЗА знаходзяцца футбалісты Аляксандр Какорын і Павел Мамаеў. Яны з'яўляюцца фігурантамі крымінальных спраў, заведзеных па артыкулах «Хуліганства» і «Пабоі». За дзве бойкі ў цэнтры Масквы, што адбыліся ў кастрычніку мінулага года, іх змясцілі ў «Бутырку», дзе яны прабудуць да верасня.
Цяпер чытаюць
Мінск, Варшава, Вільня — параўноўваем, дзе прасцей купіць кватэру чалавеку з сярэдняй зарплатай3
Каментары