Дзеючы прэзідэнт Украіны Пятро Парашэнка з невялікім адрывам перамог Уладзіміра Зяленскага на ўчастках на тэрыторыі вайсковых часцей у Луганскай і Данецкай абласцях, піша Kyivpost.
Пасля падліку 98% галасоў, Парашэнка выйграў у 46 з 79 спецыяльных выбарчых участкаў для вайскоўцаў у Данецкай і Луганскай абласцях, атрымаўшы не менш як 17 379 галасоў, або 48,7%.
Зяленскі атрымаў не менш за 16 489 галасоў, або 46,2%, і перамог у 33 вайсковых выбарчых участках.
Розніца паміж кандыдатамі склала 890 галасоў.
Больш за 35 000 салдат і афіцэраў на Данбасе прагаласавалі ў другім туры выбараў.
Цяпер чытаюць
Палітолаг Аліна Харысава пагадзілася супрацоўнічаць з СБУ. Аказалася, гэта было КДБ48
Каментары