Дзясяткі людзей сабраліся на Чарнобыльскі шлях, нягледзячы на забарону
Арганізатары традыцыйнага шэсця «Чарнобыльскі шлях» за дзень да меркаванай даты акцыі паведамілі, што адмовіліся ад традыцыйнага шэсця і мітынгу — міліцыя выставіла касмічныя рахункі за аховы акцыі, няма грошай, каб такія сумы — каля 10 тысяч рублёў — сплаціць. Але некалькі дзясяткаў жыхароў Мінска ўсё ж сабраліся ў беларускай сталіцы на гэту памятную дату.
Актывісты разам з журналістамі прыйшлі на пляцоўку ля Акадэміі навук. Сярод удзельнікаў мы заўважылі старшыню Маладога фронту Дзяніса Урбановіча, палітыка Хрысціянскай дэмакратыі Вольгу Кавалькову, Вячаслава Сіўчыка з руху «Разам», эканаміста Сяргея Чалага, рэкламістку Юлію Ляшкевіч, Мікалая Казлова з Аб'яднанай грамадзянскай партыі, пенсіянерку Ніну Багінскую і айца Вікенція з Беларускай аўтакефальнай праваслаўнай царквы. Агулам каля 35 чалавек.
Ніна Багінская ўзняла сцяг.
Сілавікі здымаюць людзей, але не чапаюць. Сілавікі ў цывільным ачапілі прыступкі акадэміі, каб людзі не ішлі туды.
Адзін з міліцыянераў заявіў, што акцыя несанкцыянаваная.
Удзельнікі сабраліся ў Кіеўскі сквер і пайшлі шэсцем.
Вось такая машына суправаджае ўдзельнікаў акцыі.
Каля капліцы яны ўшанавалі памяць Юрыя Хадыкі, Васіля Быкава і Алеся Адамовіча як першых арганізатараў «Чарнобыльскага шляху». Была хвіліна маўчання.
Вячаслаў Сіўчык прамовіў: «Улады могуць забараніць Чарнобыльскі шлях, але не могуць забараніць нам называцца людзьмі».
Напрыканцы акцыі ўдзельнікі пракрычалі «Жыве Беларусь!» і ўсклалі кветкі.
-
Стала вядома, каму належыць вытанчанае французскае бістро ў Мінску. Вам не спадабаецца
-
У Польшчы прадставілі яшчэ адзін законапраект аб грамадзянстве: 15 гадоў жыцця ў краіне, польская на ўзроўні С1 і даведка аб несудзімасці на радзіме
-
«Мельнікава не абавязкова агентка КДБ, яна можа быць ахвярай. А Лабееў яе купіў тым, што назваўся адзінокім бацькам з дзецьмі»
Каментары