У Мінску адновяць паганскае капішча. Яно будзе знаходзіцца ў парку імя 40-годдзя Вялікага Кастрычніка, што прымыкае да гатэля «Пекін». Рэканструкцыя капішча ўключаная ў другі этап добраўпарадкавання тэрыторыі, на якое гарадскія ўлады выдзелілі сродкі, паведамляюць «Мінск-Навіны».
Парк размешчаны ў межах вуліц Ульянаўскай — Леніна — Смаленскай — Чырвонаармейскай. У 2015—2016 гадах тут зрабілі пешаходныя алеі, абсталявалі дзіцячы гарадок, уладкавалі месцы адпачынку ля берага.
Цяпер каля скрыжавання вуліц Леніна і Ульянаўскай зробяць уваходную зону ў парк, а таксама добраўпарадкуюць тэрыторыю, дзе раней знаходзілася паганскае капішча. Яшчэ напрыканцы ХІХ стагоддзя тут была культавая пляцоўка, абнесеная з трох бакоў драўлянай агароджай. Там рос вялікі дуб, стаяў вялікі камень «Дзед» (цяпер ён у мінскім «Музеі валуноў»), а з камянёў было складзена вогнішча. Цяпер гэтае месца абнясуць стылізаванай драўлянай агароджай, выкладуць брукам, а ў цэнтры пляцоўкі зробяць інфармацыйны стэнд з апісаннем гісторыі месца.
Працы на месцы былога капішча плануюць завяршыць ужо ў траўні гэтага года.
Цяпер чытаюць
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было55
Каментары