Гісторыя2929

Марзалюк: Гэта шлем Ізяслава, і ён старэйшы за шапку Манамаха

bobrlife

Гісторыкі лічаць, што знойдзены ў Бабруйску ўнікальны шлем, хутчэй за ўсё, належаў полацкаму князю Ізяславу, сыну Уладзіміра і Рагнеды. Пра гэта распавялі ў эфіры СТБ, паведамляе БелТА.

Зараз артэфакт, які добра захаваўся дзякуючы таму, што доўгі час знаходзіўся ў вадзе, аднаўляюць найлепшыя рэстаўратары. Шлем выявілі ў пачатку красавіка выпадкова, калі супрацоўнікі мясцовага прадпрыемства паглыблялі дно Бярэзіны. Яго цудам не закранулі каўшом экскаватара, які прыбіраў гліну.

«Абсалютна нядаўна ў горадзе Бабруйску пры земляных работах мы здабылі рэальны знак той вялікай суверэннай улады — хутчэй за ўсё, мы знайшлі шлем Ізяслава Полацкага. Ён зараз на рэстаўрацыі. Калі мы адрэстаўруем, я думаю, што мы зможам з гонарам выстаўляць і ганарыцца гэтым», — адзначыў дэпутат Палаты прадстаўнікоў Ігар Марзалюк.

Па словах гісторыка Мікалая Сілкова, была зробленая першапачатковая экспертыза, якая ўстанавіла: знаходка рэдкая не толькі для Беларусі, але і для свету. Існуе толькі 19 падобных шлемаў, якія захаваліся да нашых дзён. Знойдзены ў Бабруйску артэфакт стаў 20-м.

На думку экспертаў, па ўзросце шлем абышоў знакамітую шапку Манамаха, якой амаль 600 гадоў. Знешні выгляд шлема сведчыць: гэта праца па замове, адзінкавая, выкананая, хутчэй за ўсё, скандынавамі.

Перыяд існавання падобных шлемаў — X—XI стагоддзі. Гэта час, калі на тэрыторыі Беларусі фарміравалася дзяржаўнасць.

Каментары29

Цяпер чытаюць

УСУ зноў атакавалі Крымскі мост — абрынуліся аўтамабільны пралёт і арка

УСУ зноў атакавалі Крымскі мост — абрынуліся аўтамабільны пралёт і арка

Усе навіны →
Усе навіны

«Памятнік жэртвам фашызму»: у Азарычах з’явіўся дзіўны ўказальнік24

Новы вобраз Міхалка. Як прайшоў канцэрт «Ляпіса Трубяцкога» ў Берліне23

У Мінску ўжо паставілі першую ёлку5

Дачакалася з войска і паехала з ім у рэйс. Пад Старымі Дарогамі загінула маладая пара з Бабруйска3

Нявестка Ліліі Ананіч стала топ-менеджарам у БелТА — вярнулася на радзіму праз чатыры месяцы пасля эміграцыі ў Кітай24

Ва Украіне 14‑гадовая школьніца нарадзіла ад 60‑гадовага мужчыны. Яна кажа, што ён добры бацька, і прасіла не караць яго28

Таксіста і былога ахоўніка «Еўраопта» з Баранавічаў абвінавачваюць па палітычным артыкуле3

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

больш чытаных навін
больш лайканых навін

УСУ зноў атакавалі Крымскі мост — абрынуліся аўтамабільны пралёт і арка

УСУ зноў атакавалі Крымскі мост — абрынуліся аўтамабільны пралёт і арка

Галоўнае
Усе навіны →

Заўвага:

 

 

 

 

Закрыць Паведаміць