Пад Кіевам п’яныя ў дым паліцэйскія застрэлілі 5-гадовага хлопчыка
На пачатку чэрвеня ў Пераяславе-Хмяльніцкім (горад у Кіеўскай вобласці) два супрацоўнікі паліцыі выпілі і вырашылі пастраляць: зладзілі самаробны цір з бутэлек у двары жылога дома. Скончылася ўсё трагедыяй.
Адна з куль трапіла ў галаву суседскаму 5-гадоваму хлопчыку. Яго экстрана шпіталізавалі, пасля перавезлі ў рэанімацыю ў Кіеве. Але выратаваць дзіця дактары не змаглі. 3 чэрвеня хлопчык памёр.
«Начальнік нашага райаддзела прыязджаў у рэанімацыю да нас і казаў, што яны прызнаюць віну, але такія п'яныя, што не ведаюць, хто з іх гэта зрабіў. Яны былі ў дым п'яныя, проста забаўляліся», — казала пра паліцэйскіх бабуля хлопчыка.
У выніку кіраўнік паліцыі Кіеўскай вобласці Дзмітры Цаноў напісаў рапарт аб звальненні і папрасіўся ваяваць на Данбас. Пра гэта паведамляе МУС Украіны.
«Як кіраўнік паліцыі Кіеўскай вобласці, я нясу адказнасць за дзеянні маіх падначаленых. Я напісаў рапарт аб маім звальненні і прашу кіраўніка Нацпаліцыі адправіць мяне ў самы гарачы пункт нашай дзяржавы, у Данбас», — заявіў Цаноў журналістам.
Кіраўнік Нацпаліцыі падпісаў паперы аб адстаўцы Цанова. Пра тое, ці паедзе Цаноў у «гарачы пункт», пакуль не паведамляецца.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары