Маладая мама шасцярых дзяцей з Полацка адправілася ў калонію за махлярства
Маладая мама шасцярых дзяцей з Полацка займала грошы ў сваіх сябровак, але не планавала іх вяртаць.
Як распавёў gorod214.by cтаршы памочнік пракурора Полацкага раёна Ігар Галаўкоў, жанчына пазычыла ў адной са знаёмых 300 даляраў, затым яшчэ чатырыста, а пасля гэтага яшчэ больш за тысячу.
Усяго за год даўгі палачанкі дасягнулі васьмі тысяч рублёў. У яе былі распіскі на некаторыя сумы, але грошы яна не вяртала. У пракуратуры адзначаюць, што жанчына, па большай частцы, траціла на свае патрэбы: наведвала забаўляльныя ўстановы, сыходзіла з дома на некалькі дзён, пакідаючы дзяцей на мужа ці суседзяў.
Калі цярпенне сябровак скончылася, яны напісалі заявы ў міліцыю. Была заведзена крымінальная справа за махлярства. У 2017 годзе палачанку ўжо асудзілі за аналагічнае злачынства, але улічваючы наяўнасць дзяцей, прысуд быў мяккім - без накіравання ў папраўчую ўстанову.
На гэты раз усё завяршылася куды горш: па сукупнасці злачынстваў і прысудаў жанчыну асудзілі на 4 гады і 7 месяцаў пазбаўлення волі ў папраўчай калоніі агульнага рэжыму.
Цяпер чытаюць
Улады Гродна паведамілі пра выхад з ладу ліўнёўкі пад ударам стыхіі1
Каментары