Адзін з лідэраў адкрытага чэмпіянату Беларусі па хакеі «Гомель» перапыніў серыю паражэнняў, якая дасягнула чатырох матчаў.
26 студзеня ў Даўгаўпілсе гамяльчане выйгралі ў «Латгале» з лікам 3:2. Менавіта ў дамашнім матчы з гэтым сапернікам 15 студзеня (2:5) для «Гомеля» пачалася паласа няўдач.
У другім паядынку гэтага гульнявога дня ліепайскі «Металургс» перамог жлобінскі «Металург» — 5:2.
Становішча каманд: «Юнацтва» — 105 ачкоў (42 матчы; розніца шайб 162‑73), «Гомель» — 87 (43; 125‑99), «Металург» — 84 (43; 136‑99), «Хімвалакно» — 78 (42; 127‑104), «Керамін» — 71 (39; 130‑96), «Металургс» — 70 (40; 130‑110), «Нёман» — 70 (41; 135‑99), «Віцебск» — 68 (41; 102‑91), «Хімік‑СКА» — 58 (41; 138‑141), «Шыннік» — 48 (38; 99‑119), «Рыга‑2000» — 45 (42; 111‑146), «Огрэ» — 30 (41; 101‑159), «Брэст» — 25 (40; 74‑151), «Латгале» — 25 (41; 79‑162).
У 288 матчах закінута 1.649 шайб, з іх гаспадарамі — 883, гасцямі — 766. Сярэдняя выніковасць склала 5,73 гола за гульню. Гаспадары атрымалі 163 перамогі (17 па булітах, 6 у авертайме) і зведалі 125 паражэнняў (16 па булітах, 8 у авертайме). Найбольш папулярны лік чэмпіянату — 3:2 (42 разы), 4:3 (32) і 4:1 (27).
Цяпер чытаюць
Расійская блогерка-мільённіца, якая зганьбілася з беларускай мовай, запісала відэа з тлумачэннямі — але так і не выбачылася21
Каментары