На панарамы «Яндэкса» патрапілі праводзіны асуджанага па наркатычным артыкуле
Як піша citydog.by, на абноўленых вулічных панарамах Мінска ад «Яндэкса» ўдзельнікі руху Legalize Belarus заўважылі адну незвычайную. Ля ўваходу ў УУС Савецкага раёна (завулак Якуба Коласа, 3) група людзей пазіруе для некалькіх фатографаў.
![](http://nashaniva.com/img/w732d4webp1/photos/z_2019_06/2-4azoh.jpg.webp)
Панараму зрабілі месяц таму, 24 мая 2019 года. На ёй захаваны момант фінальнай фатаграфіі сяброў, якія праводзяць мінчука ў выпраўленчую калонію №2 г. Бабруйска. 26 чалавек у апошні раз сустрэліся з асуджаным, каб падтрымаць яго і выказаць салідарнасць.
Хто гэта — Антон Б.? Ён быў адным з васьмі ўдзельнікаў хатняй вечарынкі ў Мінску, дзе пасля ўжывання забароненага рэчыва загінула дзяўчына. У гэтым годзе яго прысудзілі да 3 гадоў абмежавання волі з накіраваннем у выпраўленчую ўстанову адкрытага тыпу — на «хімію».
Але пазней пракуратура абскардзіла прысуд, і пасля перагляду суд змяніў меру пакарання на больш строгую: выпраўленчую калонію — «зону» замест «хіміі».
Каментары