Дэпутат Ігар Марзалюк пракаментаваў папраўкі аб службе ў войску, якія сёння прыняў у першым чытанні парламент, піша office.life
Марзалюк адзначыў, што ў Беларусі ўсеагульны вайсковы абавязак, а што тычыцца вучобы за мяжой, то адтэрміноўка будзе давацца тым, хто паступіў у замежную ВНУ па накіраванні дзяржавы. Напрыклад, у Маскве можна падрыхтаваць спецыяліста для МЗС па мовах хіндзі і урду.
Дэпутат растлумачыў, што астатнім можна паступіць у ВНУ за мяжой. Але потым трэба адслужыць. Беларускія грамадзяне маюць права паступаць на бюджэтныя месцы ў Расеі.
Мы — не частка Расіі, а Расія — не наша частка. Таму, калі чалавек з'ехаў за мяжу … Хай паступаюць і служаць. У любым выпадку чалавек мае права на паступленне.
Марзалюк таксама лічыць, што цяпер колькасць ільготнікаў па прызыве «зашкальвае».
«Асаблівым форсам стала адкасіць. Прычым для гэтага вельмі часта выкарыстоўваюць і магістратуру, і аспірантуру», — сказаў ён.
Парламентарый прапанаваў параўнаць колькасць тых, хто навучаецца ў аспірантуры і колькасць тых, хто абараняў дысертацыі. Ён адзначыў таксама, што ў аспірантуру зараз ідуць у асноўным для далейшай працы ў навуцы.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў32
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1414
Каментары