Студэнт з Конга ў бойцы адкусіў кавалак падбародка жыхару Наваполацка
Здарылася ўсё яшчэ ў пачатку ліпеня каля мясцовага начнога клуба.
Замежны студэнт, які вучыўся ў Полацкім універсітэце, разам з сябрамі і сваёй дзяўчынай адпачываў у клубе. Пасля закрыцця клуба каля крамы, якая знаходзіцца нездалёк, здарыўся канфлікт з мясцовымі жыхарамі.
Ян Комба, прадстаўнік афрыканскіх студэнтаў Полацкага ўніверсітэта, пацвердзіў «Нашай Ніве» праўдзівасць гісторыі.
Па яго словах, студэнт з Конга адпачываў у клубе разам з дзяўчынай. Дзяўчына — беларуска, мясцовая жыхарка. І калі яны выйшлі з клуба, да іх нібыта прычапіліся мясцовыя: пачалі абражаць цемнаскурага хлопца, пытацца ў дзяўчыны «а чаго гэта ты з неграм?». Слова за слова — пачалася бойка, падчас якой студэнт і ўчапіўся зубамі ў твар аднаго з мясцовых жыхароў.
У выніку студэнт адкусіў свайму апаненту кавалак падбародка.
Пацярпелага шпіталізавалі, зрабілі аперацыю. Студэнта разам з дзяўчынай забрала міліцыя. Вядома, што яны былі п’яныя.
Заведзена крымінальная справа.
Міліцыя пракаментавала бойку з афрыканскім студэнтам
Цяпер чытаюць
18‑гадовы курсант Вайсковай акадэміі з Ляхавіч нікому нічога не сказаў, забраў дакументы і паехаў ваяваць за Расію. Цяпер па ім плачуць44
Каментары