Навальнага адправілі ў спецпрыёмнік з дыягназам «кантактны дэрматыт»
Пасля сутак знаходжання ў маскоўскай гарадской клінічнай бальніцы № 64 Аляксея Навальнага выпісалі і адправілі назад у спецпрыёмнік для ўтрымання асоб, арыштаваных у адміністрацыйным парадку. Пра гэта паведаміла журналістам доктар Навальнага Анастасія Васільева, перадае РБК.
Доктар: Сімптомы Навальнага вельмі нагадваюць атручэнне хімічнымі рэчывамі, канвой нас не дапусціў да яго
Адвакат Навальнага Вольга Міхайлава адразу пасля выпіскі палітыка паабяцала хадайнічаць аб адмене яго арышту «ў сувязі са станам здароўя».
Васільева распавяла, што выпісцы Навальнага папярэднічаў кансіліум дактароў, якія паставілі яму дыягназ «кантактны дэрматыт». Сама яна з такой высновай не згодна. Па словах Васільевай, хоць ацёк твару, з якім Навальнага даставілі ў лячэбную ўстанову, спаў, пасля адмены прэпаратаў трэба назіраць за яго станам. Як адзначыла Васільева, кантактны дэрматыт павінен праяўляцца там, дзе быў кантакт, а ў Навального генералізаванае высыпанне (гэта значыць па ўсім целе, без акрэсленых ачагоў).
Раней Васільева распавядала, што шпіталізаванага апазіцыянера ёй удалося агледзець толькі праз дзверы. Паводле яе слоў, у яго былі высыпанні на шыі спіне, грудзях, локцевых згінах рук. На падставе скаргаў і сімптомаў Васільева выказала здагадку, што гаворка ішла пра востры таксічны кератакан'юнктывіт, дэрматыт і агульную інтаксікацыю.
У сваю чаргу муніцыпальны дэпутат сталічнага раёна Данскі Уладзімір Залішчак, якому ўдалося раніцай у панядзелак пагутарыць з намеснікам галоўнага ўрача, распавёў, што, на думку апошняга, прычынай алергіі магла стаць рэакцыя на пральны парашок.
Навального даставілі ў бальніцу з спецпрыёмніка раніцай у нядзелю, 28 ліпеня. Прэс-сакратар палітыка Кіра Ярмыш паведаміла, што ў яго з'явіўся моцны ацёк твару і пачырваненне скурных пакроваў, пасля чаго супрацоўнікі ІЧУ выклікалі хуткую дапамогу.
Аляксей Навальны — антыкарупцыйны блогер і самы вядомы крытык Уладзіміра Пуціна. Ён выявіў факты наяўнасці ў людзей з кола Пуціна маёмасці на сумы, якія ў шмат разоў перавышаюць афіцыйныя даходы дзяржчыноўнікаў. Навальнага не раз судзілі і арыштоўвалі, цяпер ён адбывае чарговыя 30 сутак, гэтым разам за заклік да мітынгу пратэсту супраць нерэгістрацыі апазіцыйных кандыдатаў на мясцовых выбарах у Маскве.
«Ты ў нас у Беларусі!» — «Я маму тваю я*аў». Госцю з Алтая не спадабалася заўвага за кінуты ў цэнтры Мінска недакурак6
Каментары