У Іўеўскім раёне хлопец катаўся на скрадзеным грузавіку па школьным стадыёне
У Іўеўскім раёне малады чалавек скраў самазвал, каб пакатацца па стадыёне былой школы, паведамляе міліцыя.
Падазраецца 20-гадовы малады чалавек. У адзін з вечароў ён зайшоў на тэрыторыю былой школы ў вёсцы Морына Іўеўскага раёна. Там жа на ноч сваю тэхніку пакідае мясцовы прадпрымальнік.
Хлопец заўважыў, што дзверы грузавога МАЗа не зачыненыя, а ў замку запальвання быў ключ. Завесці рухавік было нескладана, і зламыснік стаў намотваць кругі па былым школьным стадыёне на грузавіку. Накатаўшыся, малады чалавек кінуў грузавік.
На наступны дзень уладальнік аўтамабіля ўбачыў, што яго тэхніка за ноч пераехала ў іншае месца. Ён звярнуўся ў міліцыю. Завялі крымінальную справу па артыкуле «Выкраданне».
Цяпер чытаюць
У СІЗА КДБ апынуўся Мікалай Цырто, фігурант старой справы Беларусбанка. Другі раз — за палітыку1
Каментары