Сезон кінапаказаў пад адкрытым небам стартуе 9 жніўня пры Храме Нараджэння Божай Маці ў Гомелі, паведамляе БелТА са спасылкай на гомельскую рымска-каталіцкую парафію.
У кінаменю — папулярныя сур'ёзныя фільмы, карысныя для душы. Адкрыюць сезон драмай «Гран Тарына» Клінта Іствуда.
Як удакладнілі на гомельскім каталіцкім партале katolik.life, забаўляльнага кіно ў праграме не будзе, бо пятніца для хрысціян — смутны дзень, калі вернікі ўспамінаюць пакуты і смерць Ісуса Хрыста, посцяцца, устрымліваюцца ад забаў.
Плануецца, што паказы будуць штотыднёвымі. Пры добрым надвор'і сеансы будуць праходзіць па пятніцах а 21.00.
Упершыню такія кінасеансы прайшлі ў жніўні мінулага года. Яны збіралі як прадстаўнікоў старэйшага пакалення, так і моладзь. Некаторыя гамельчукі прыходзілі сем'ямі.
-
На «Беларусьфільме» сярод бясконцых фільмаў пра вайну нарэшце здымуць навагоднюю камедыю
-
Замяніў 95% трупы, але не заваяваў публіку. Што робіць з беларускім балетам экс-прэм'ер расійскай Марыінкі
-
Рэстаўратары аднаўляюць знакаміты жыровіцкі іканастас. Але ў гістарычным колеры ў манастыры яго наўрад ці пабачаць
Каментары