У МУС Беларусі могуць перайсці на бальную сістэму ацэнкі службовай дзейнасці. Пра гэта паведаміў міністр унутраных спраў Юрый Караеў у эфіры БТ-1.
Па словах Юрыя Караева, у апошнія гады кіраўнікі высокага звяна МУС шмат разоў паўтаралі пра неабходнасць адыходзіць ад «палачна-птушачных падыходаў» пры ацэнцы службовай дзейнасці. Аднак у падраздзяленнях на месцах па-ранейшаму па інерцыі імкнуцца, каб адсотак раскрывальнасці быў не горшы, чым летась.
«Не заўсёды памятаюць, што за кожнай справай стаіць чалавек і яго лёс, яго правы», — адзначыў міністр.
Разам з тым кожная праца павінна ацэньвацца, упэўнены Юрый Караеў. Прапануецца перайсці на бальную сістэму, пры якой балы будуць налічвацца па сур'ёзнасці правапарушэнняў. Будзе ацэньвацца не колькасць раскрытых дробных парушэнняў, а сапраўды сур'ёзных, дзе нанесены буйны ўрон, дзе карупцыя.
У наркабарацьбе зробяць стаўку на раскрыццё буйных каналаў паставак, затрыманне буйных арганізатараў.
Цяпер чытаюць
«Пра нешта мы не гаворым, памоўчваем». Лукашэнка з цяжкасцю гаварыў, але настройваў генералаў на барацьбу за мір да апошняй кроплі крыві11
«Пра нешта мы не гаворым, памоўчваем». Лукашэнка з цяжкасцю гаварыў, але настройваў генералаў на барацьбу за мір да апошняй кроплі крыві
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю4545
Каментары