Коля Лукашэнка ў акружэнні дзясятка прыгажунь перадаў ураджай дому-інтэрнату для ветэранаў
Прадукцыю з эксперыментальных палёў, а таксама падворка Аляксандра Лукашэнкі сёння Коля Лукашэнка ў акружэнні дзяўчат (тут і Марыя Васілевіч, і Наталля Эйсмант) перадаў у падшэфныя арганізацыі, паведамляе БелТА.
Адным з першых пунктаў прызначэння стаў дом-інтэрнат для ветэранаў і людзей з абмежаванымі магчымасцямі на вуліцы Ваўпшасава ў Мінску, сюды перадалі 4 тоны бульбы элітных гатункаў беларускай селекцыі, сабраны ў Александрыі мёд, саленні і варэнне, якія прыгатавалі кухары кіраўніка дзяржавы, беларускія дыні з узбекскага насення, чыста беларускія яблыкі, бярозавы і яблычны сокі.
Першая дэгустацыя прайшла на месцы з чаем, размовамі і песнямі.
Кожнаму з чатырох сотняў тых, хто пражывае ва ўстанове, уручылі па цёплым шарсцяным пледзе беларускай вытворчасці.
Не забыліся госці і пра мясцовую міні-ферму. Сёння па спецзаказе ад мясцовых жыхароў ферма папоўнілася яшчэ дзесяццю курамі галандскіх парод.
Цяпер чытаюць
Пасадзілі адваката Дзмітрыя Лаеўскага, які абараняў Бабарыку і Знака8
Пасадзілі адваката Дзмітрыя Лаеўскага, які абараняў Бабарыку і Знака
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5151
Каментары