Вяселле як стартап: у Кітаі мужчына «ажаніўся» з актрысай, каб атрымаць ад гасцей грошы на бізнэс
Мужчына з кітайскай правінцыі Гуйчжоу знайшоў выдатны спосаб, як атрымаць грошы на свой бізнэс. Мужчына проста зладзіў фэйкавае вяселле, паведамляе БелТА са спасылкай на выданне AsiaOne.
Прадпрымальны будучы бізнэсмен арандаваў на некалькі дзён актрысу, якая павінна была выканаць ролю нявесты перад яго сваякамі і сябрамі. «Жонка напракат» яму абышлася за шэсць дзён у 3200 юаняў — гэта прыкладна $ 500.
Вясельная цырымонія прайшла шыкоўна і госці падарылі «новай сям'і» каля $8500. Усе грошы, па папярэдняй дамоўленасці, забраў жаніх, актрыса засталася ні з чым — ён нават не заплаціў за яе паслугі.
Дзяўчына звярнулася да юрыстаў, але яны не змаглі ёй дапамагчы: яна не заключыла дамову з «бізнэсменам». У сваю чаргу, невядома, ці ўдалося мужчыну пачаць свой бізнэс і як у яго ідуць справы.
«Выскачыць на вуліцу ў кароткіх спаднічках — гэта вы маглі. І ўсіх гвалтавалі там». Лукашэнка ўспомніў кіношнікам 2020-ы і заклікаў спыніцца10
Каментары