Жыхар Вілейшчыны заявіў пра крадзеж машыны, а пратаколы склалі на яго самога
21 кастрычніка ў вёсцы Карпавічы, на Вілейшчыне, тры прыяцелі адзначалі дзень нараджэння былой жонкі аднаго з іх.
Калі выпілі, вырашылі пакатацца на машыне па аколіцах. Пасля вярнуліся і працягнулі святкаваць.
Калі гаспадар машыны заснуў, двое мужчын ўзялі яго машыну і зноў паехалі катацца. Гаспадар машыны прачнуўся, убачыў, што аўтамабіля няма на месцы, і выклікаў міліцыю.
Міліцыянеры і злодзеі прыехалі амаль адначасова.
— Гаспадар машыны ўжо не меў прэтэнзій да прыяцеляў, і, відаць, пашкадаваў, што выклікаў міліцыю. Бо пратаколы склалі на яго самога за тое, што ездзіў нецвярозы, без правоў і без тэхагляду, — расказала карэспандэнту намеснік начальніка Вілейскага РАУС Кацярына Млечка.
Па яе словах, спецыялісты дадуць прававую ацэнку дзеянням двух іншых фігурантаў і высвятляць, ці лічыць гэтае здарэнне крадзяжом.
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку16
Каментары