Žychar Vilejščyny zajaviŭ pra kradziež mašyny, a pratakoły skłali na jaho samoha
21 kastryčnika ŭ vioscy Karpavičy, na Vilejščynie, try pryjacieli adznačali dzień naradžeńnia byłoj žonki adnaho ź ich.
Kali vypili, vyrašyli pakatacca na mašynie pa akolicach. Paśla viarnulisia i praciahnuli śviatkavać.
Kali haspadar mašyny zasnuŭ, dvoje mužčyn ŭziali jaho mašynu i znoŭ pajechali katacca. Haspadar mašyny pračnuŭsia, ubačyŭ, što aŭtamabila niama na miescy, i vyklikaŭ milicyju.
Milicyjaniery i złodziei pryjechali amal adnačasova.
— Haspadar mašyny ŭžo nie mieŭ pretenzij da pryjacielaŭ, i, vidać, paškadavaŭ, što vyklikaŭ milicyju. Bo pratakoły skłali na jaho samoha za toje, što jeździŭ niećviarozy, biez pravoŭ i biez techahladu, — raskazała karespandentu namieśnik načalnika Vilejskaha RAUS Kaciaryna Mlečka.
Pa jaje słovach, śpiecyjalisty daduć pravavuju acenku dziejańniam dvuch inšych fihurantaŭ i vyśviatlać, ci ličyć hetaje zdareńnie kradziažom.
Kamientary