Некалькі гадзін таму 47-гадовы Рыкі Марцін і яго 35-гадовы муж Джван Ёсэф паведамілі прыхільнікам радасную навіну — нарадзіўся іх сын Рэн Марцін-Ёсэф. Для Марціна нованароджаны стаў чацвёртым дзіцем, а для Джвана — другім. Дзіця з'явілася на свет з дапамогай сурагатнай маці.
Сваім шчасцем маладыя бацькі падзяліліся на сваіх Instagram-старонках. Пасты Марцін і Ёсеф суправадзілі здымкам, на якім пазіруюць з нованароджаным сынам.
«Нарадзіўся наш сын Рэн Марцін-Ёсэф», падпісаў фота спявак
«Наш малы Рэн Марцін-Ёсэф ужо тут», — напісаў у сваім допісе шведска-сірыйскі мастак.
Нагадаем, што ў канцы верасня Рыкі Марцін паведаміў, што яны з мужам хутка зноў стануць бацькамі. Гэтай навіной спявак падзяліўся ў сваёй прамове, якую прамовіў падчас урачыстага вячэры Human Rights Campaign.
Каментары