Спікер Андрэйчанка кожныя выбары ўмацоўвае сваю падтрымку — сёлета амаль 87%!
Спікер Палаты прадстаўнікоў Уладзімір Андрэйчанка прадказальна пераабраўся у парламент чарговага склікання. Ён засядае ў Палаце прадстаўнікоў аж з 2008 года.
Уладзімір Андрэйчанка, фота БелТА
Сёлета камісіі Докшыцкай акругі №22 налічылі яму 86,94% — і гэта абсалютны рэкорд краіны.
Канкурэнты атрымалі свае 2-3%.
Прычым Андрэйчанка вядзе бой яшчэ і з самім сабой — кожныя выбары дэкларуецца, што ён патрохі павялічвае падтрымку.
- 2008 год — 85,9%.
- 2012 год — 86,7%.
- 2016 год — 86,8%.
- 2019 год — 86,9%
***
Уладзімір Андрэйчанка нарадзіўся ў 1949 у вёсцы Мар’янава Лёзненскага раёна. Скончыў Лужаснянскі сельгастэхнікум (1968), Велікалуцкі сельскагаспадарчы інстытут (1977), Мінскую вышэйшую партыйную школу (1988). Пасля службы ў войску працаваў аграномам. У 1972—1975 — інструктар у Лёзненскім райкаме камсамола, а пасля ў райкаме КПБ. У 1975—1978 — сакратар парткама саўгаса «Адаменкі», у 1978—1981 — старшыня калгаса імя Данукалава Лёзненскага раёна. У 1981—1985 — начальнік упраўлення сельскай гаспадаркі Лёзненскага райвыканкама, у 1985-1987 — старшыня райвыканкама. У 1987—1991 гадах — старшыня Верхнядзвінскага райсавета, першы сакратар Верхнядзвінскага райкама КПБ. У 1991—1994 — намеснік старшыні Віцебскага аблвыканкама па сельскай гаспадарцы, у 1994—2008 — старшыня Віцебскага аблвыканкама. З 2008 — старшыня Палаты прадстаўнікоў.
Цяпер чытаюць
Мюнхенская прамова Вэнса пра новую палітыку ЗША і чаканні ад Еўропы — поўны тэкст33
Каментары