Севярынца будуць судзіць за мінскую акцыю з патрабаваннем свабодных выбараў
У РУУС Цэнтральнага раёна Мінска склалі адміністратыўны пратакол на сустаршыню БХД Паўла Севярынца, піша Радыё Свабода.
Актывіст паведаміў, што пратакол на яго складзены паводле артыкула 23.34 Адміністрацыйнага кодэкса — за парушэнне парадку правядзення масавых акцыяў.
«Гэта за 16 лістапада, за ўдзел у акцыі «Сустрэча свабодных людзей — 2». Адправілі пратакол у суд і сказалі чакаць позвы», — паведаміў Павел Севярынец.
Акцыя «Сустрэча свабодных людзей-2» прайшла ў Мінску ў апошні дзень датэрміновага галасавання. Акцыю ініцыявалі БСДП (Народная грамада) Мікалая Статкевіча і «Еўрапейская Беларусь», у акцыі бралі ўдзел больш за 100 чалавек. Пасля сустрэчы на плошчы Свабоды адбылося шэсце ўдзельнікаў акцыі праспэктам Незалежнасці да Цэнтральнай выбарчай камісіі, дзе некалькі кандыдатаў у дэпутаты і спалілі на знак пратэсту свае пасведчанні.
Цяпер чытаюць
18‑гадовы курсант Вайсковай акадэміі з Ляхавіч нікому нічога не сказаў, забраў дакументы і паехаў ваяваць за Расію. Цяпер па ім плачуць44
Каментары