Інтэграцыю Расіі і Беларусі трэба захаваць і знайсці «развязкі» па ўсіх праблемных пытаннях, заявіў сёння прэм'ер-міністр Расіі Дзмітрый Мядзведзеў у інтэрв'ю тэлеканалам, піша ТАСС.
«Нам трэба зрабіць усё, каб інтэграцыя захавалася. Ёсць складаныя тэмы, звязаныя з энерганосьбітамі, з цэнамі, кожная краіна хоча дамагчыся пэўных ільгот і пераваг для сябе, але я ўпэўнены, што развязкі тут можна знайсці і на ўзроўні ўрада, і на прэзідэнцкім узроўні, калі гэта спатрэбіцца», — сказаў ён.
Мядзведзеў нагадаў, што любая інтэграцыя — гэта частковае памяншэнне суверэнітэту, але гэтага не трэба баяцца. «Любая інтэграцыя, нагадаю простую юрыдычную ісціну, — гэта частковае памяншэнне суверэнітэту. Мы таксама свой суверэнітэт часткова зменшылі, калі аб'ядналіся ў Еўразійскі саюз», — падкрэсліў прэм'ер-міністр.
Расійскі прэм'ер таксама адзначыў, што ўзровень інтэграцыі паміж Беларуссю і Расіяй вельмі высокі, нягледзячы на эмацыйны фон.
Нагадаем, што заўтра ў Сочы павінна адбыцца сустрэча Дзмітрыя Мядзведзева і Сяргея Румаса, а 7 снежня пройдзе сустрэча Алексадра Лукашэнкі і Уладзіміра Пуціна.
Цяпер чытаюць
Скандал у полацкай школе: маці сцвярджае, што яе сына збілі на трэніроўцы па дзюдо — так хлопца «выхоўваў» трэнер11
Каментары