У Івацэвіцкім раёне забойцу ўласнага дзіцяці знайшлі праз 14 гадоў
Восенню 2005 года на палігоне для цвёрдых бытавых камунальных адкідаў каля в. Міхнавічы Івацэвіцкага раёна быў знойдзены труп нованароджанага дзіцяці — хлопчыка. Супрацоўнікамі праваахоўных органаў ўстаноўлена: кантэйнеры для смецця былі дастаўлены сюды з пляцоўкі па вул. 70 гадоў Кастрычніка і з пляцоўкі адной буйной вёскі, што знаходзіцца каля Івацэвічаў, паведамляюць ivatsevichy.by.
З 2005 да 2019 года міліцыя апытвала і даследавала абставіны жыцця больш за 1000 жанчын дзетароднага ўзросту. Асаблівая ўвага надавалася тым жанчынам, хто пакінуў Івацэвічы і раён і з'ехаў. У мінулым годзе работа была ўзмоцнена. На дапамогу прыйшлі новыя тэхналогіі: сучасная генатыпаскапічная экспертыза такую працу дазваляе праводзіць масава і маштабна. Толькі за 2019 год праверана некалькі соцень жанчын Івацэвіцкага раёна. У ходзе даследавання геном загінулага хлопчыка паказаў поўнае супадзенне з геномам адной з жанчын. Яна затрыманая і прызналася, што 14 гадоў таму нарадзіла і задушыла хлопчыка…
Начальнік аддзялення крымінальнага вышуку Івацэвіцкага РАУС Аляксандр Кікун кажа, што генетычныя характарыстыкі — пастаянныя, не змяняюцца на працягу жыцця чалавека. Наіўна думаць, што праз 10-15 гадоў яны стануць іншымі. Таму, вылучыўшы геном загінулага хлопчыка, мы маглі быць упэўненымі: дзесьці ёсць чалавек — яго маці — у якой будзе поўнае супадзенне. У выпадку з гэтым няшчасным хлопчыкам супадзенне яго з маці - адзін на 10 мільёнаў. Так у нас у Беларусі няма столькі насельніцтва!»
Большасць жанчын Івацэвіцкага раёна з разуменнем паставіліся да неабходнасці прайсці даследаванне: мазок з-за шчакі. Дарэчы, гэта жанчына адмаўлялася праходзіць экспертызу, відаць, разумеючы, што гэта цалкам яе раскрые.
Гэтая жанчына ва ўзросце ад 35 да 40 гадоў, яна шматдзетная (нарадзіла трох дзяцей), мае вышэйшую адукацыю, разведзеная. Цяпер яна знаходзіцца ў ізалятары.
Каментары