Мама экс-спецназаўца Юрыя Гараўскага: Квіток да Германіі аплаціла сыну са сваіх грошаў, яму абяцалі там аперацыю
16 снежня з’явілася сенсацыйнае прызнанне былога спецназаўца Юрыя Гараўскага. Ён заявіў, што меў дачыненне да забойства Віктара Ганчара, Юрыя Захаранкі і Анатоля Красоўскага.
Чытайце таксама: Былы спецназавец: Я ўдзельнічаў у забойстве Захаранкі і Ганчара
Гараўскі прызнаўся, што цяпер знаходзіцца ў Еўропе на лячэнні, з’ехаў туды ўвосені 2018 года.
Лячэнне спатрэбілася, бо ў 2007 годзе Юрый трапіў у цяжкае ДТЗ, у яго аўто ўляцела фура. Пасля Гараўскі застаўся інвалідам. Ён лічыць, што гэта быў замах на яго жыццё.
«Наша Ніва» звязалася з мамай Юрыя Гараўскага. Жанчына распавяла, што пасля аварыі сын жыў з ёй. Ён атрымаў 2-ю групу інваліднасці, нідзе не працаваў. Хадзіў ледзь-ледзь і толькі з кійком, пакутаваў ад страшнага болю. Пасля ДТЗ разышоўся з жонкай. Як кажа мама Юрыя, развод прайшоў мірна.
За мяжу Юры з’ехаў, бо ў Беларусі не мог атрымаць добрае лячэнне. «Я плаціла шалёныя грошы дактарам, — кажа жанчына, — але яны не дапамагалі».
Яна запэўнівае, што пастаянна выклікала сыну хуткую — так у яго балела нага, — але дактары нібыта абураліся, чаму яны мусяць рабіць укол ад болю, маўляў, проста самі дайце яму таблетку.
Перад ад’ездам сын паставіў маці перад фактам: маўляў, з’язджае ў Германію, там яму абяцалі зрабіць аперацыю. Хто абяцаў, за якія грошы аперацыя — жанчына не ведае. Квіток да Германіі Юрыю аплаціла маці са сваіх грошай.
Дэталі паездкі Гараўскі маці не паведамляў, пра тое, што плануе прасіць прытулак, не казаў. За якія грошы сёння жыве яе сын, жанчына таксама не ведае.
Мама Гараўскага кажа, што інтэрнэтам не карыстаецца, таму відэа, дзе яе сын прызнаецца ў забойствах, не бачыла, хоць і чула пра яго.
Жанчына лічыць, што Юрый не вінаваты, што яго выказванні, найхутчэй, няпраўда. А калі Юрый і ўдзельнічаў, то гэта было па камандзе начальства. «Шукайце тых, хто яму скамандаваў», — раіць жанчына.
Цяпер чытаюць
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта11
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары