president.gov.ua
Праз 91 хвіліну пасля тэлефоннай размовы прэзідэнта ЗША Дональда Трампа і прэзідэнта Украіны Уладзіміра Зяленскага ў Белым доме прынялі рашэнне прыпыніць выдзяленне ваеннай дапамогі Кіеву. Пра гэта паведамляе «Бі-бі-сі» са спасылкай на ўнутраныя электронныя лісты сябрам адмiнiстрацыi ЗША, якія атрымала арганізацыя Center for Public Integrity, піша tvrain.ru.
Пасля размовы Трампа і Зяленскага 25 ліпеня прадстаўнік адміністрацыйна-бюджэтнага ўпраўлення ЗША Майкл Дафі звязаўся з прадстаўнікамі Пентагона і папрасіў «устрымацца ад аказання дапамогі Украіне».
«Улічваючы далікатны характар запыту, я ўдзячны вам за тое, што трымаеце гэтую інфармацыю ў цесным кантакце з тымі, хто павінен пра гэта ведаць», — гаворыцца ў лісце Дафі.
19 снежня Палата прадстаўнікоў прагаласавала за імпічмент Трампа, прызнаўшы яго вінаватым у злоўжыванні ўладай і перашкодзе працы Кангрэсу. Наступным крокам павінна стаць зацвярджэнне гэтага рашэння Сенатам, дзе большасць месцаў належыць прадстаўнікам Рэспубліканскай партыі.
Нагодай для пачатку працэдуры імпічменту Трампа стала размова з прэзідэнтам Украіны Уладзімірам Зяленскім, падчас якой Трамп папрасіў правесці расследаванне ў адносінах да свайго патэнцыйнага суперніка на выбарах Джо Байдэна. У абмен Трамп нібыта прапанаваў даць ваенную дапамогу Украіне, ён гэтыя абвінавачванні абвяргае.
У ліпені Трамп прыпыніў аказанне ваеннай дапамогі Украіне. Па дадзеных CNN, прэзідэнт зрабіў гэта, каб мець магчымасць націснуць на Зяленскага з-за расследавання супраць Байдэна. У верасні адміністрацыя Трампа абвясціла, што ЗША выдзелілі Кіеву 250 мільёнаў даляраў.
