Паводле звестак МНС, у апошнія дні ў шэрагу рэгіёнаў Беларусі зафіксаваныя ўзгаранні ў лясах, а таксама пажары сухой травы і кустоўя.
У Гомельскай вобласці за апошнія суткі ліквідавалі два лясныя пажары ў Жыткавіцкім і Чачэрскім раёнах. Агульная плошча ўзгарання склала 0,08 гектара. Агонь удалося патушыць без выкарыстання тэхнікі МНС.
Таксама ў вобласці зафіксавалі чатыры пажары сухой травы і кустоўя ў Добрушскім, Жлобінскім, Мазырскім і Рагачоўскім раёнах. Агульная плошча гэтых узгаранняў склала 0,3507 гектара.
У Гродзенскай вобласці супрацоўнікі МНС 15 разоў выязджалі на тушэнне сухой расліннасці і яшчэ тры разы — на лясныя пажары. У выніку прыродны агонь пашкодзіў 13,04 гектара тэрыторыі.
У Магілёўскай вобласці ратавальнікі сем разоў тушылі ўзгаранне сухой расліннасці.
Цяпер у Беларусі амаль паўсюдна дзейнічаюць абмежаванні на наведванне лясоў. Без абмежаванняў лясы адкрытыя толькі ў сямі раёнах Магілёўскай вобласці: Крычаўскім, Чэрыкаўскім, Слаўгарадскім, Краснапольскім, Клімавіцкім, Касцюковіцкім і Хоцімскім.
Поўная забарона на наведванне лясоў уведзена ў трох заходніх раёнах краіны: Свіслацкім, Бераставіцкім і Ваўкавыскім.
Цяпер чытаюць
Каля плошчы Бангалор у Мінску вырас яшчэ адзін звышсакрэтны аб’ект15
Каля плошчы Бангалор у Мінску вырас яшчэ адзін звышсакрэтны аб’ект
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары