Сёння гарыць Перм. Украіна зрабіла стаўку на ўдары, вынікі якіх бачныя мільёнам
29 красавіка ўкраінскія беспілотнікі атакавалі найбольшы аб’ект Пермскага раённага нафтаправоднага ўпраўлення — лінейную вытворча-дыспетчарскую станцыю «Перм».
Узнік магутны пажар. Неба над мільённай Пермю зацягнула чорным дымам.
Украіна апошнім часам робіць стаўку на ўдары па рэзервуарах, а не па ключавых элементах НПЗ. Стратэгічны ўплыў удараў па цыстэрнах не такі і вялікі: згарэла і згарэла, адбудавалі. Аднак гіганцкія пажары ўздзейнічаюць на настроі насельніцтва Расіі. Уладам немагчыма схаваць прапушчаныя ўдары, пры якіх прытым, у адрозненне ад расійскіх удараў па гарадах, амаль няма ахвяр сярод мірнага насельніцтва.
У расійскім інтэрнэце гэтыя ўдары выклікаюць усё больш рэзкую рэакцыю. Негатыў, які раней датычыў Герасімава, Шайгу і Пяскова, распаўсюдзіўся ўжо і на самога Пуціна.
Масква больш не можа прадаць грамадству тэзу, што «вайна ідзе па плане». Дэфіцыт ракет для ЗРК «Панцыр» таксама стаў відавочны.
Тэмпература закіпання расійскага грамадства не дасягнутая, для гэтага спатрэбіліся б больш выяўныя паразы на фронце ці масавая мабілізацыя. Аднак і ўра-патрыятычных настрояў больш не назіраецца.
Кіеў працягвае метадычна наносіць удары па аб'ектах паліўнай інфраструктуры Расіі. Вайна перастала быць папулярнай сярод расіян, яны пачалі разумець яе выдаткі. Украіна разлічвае, што такой цярплівай тактыкай і створыць урэшце перадумовы для яе спынення.
Цяпер чытаюць
Вячорка: Сустрэча Сікорскага з Рыжанковым можа ўдарыць па стаўленні да беларусаў у Еўропе21
Вячорка: Сустрэча Сікорскага з Рыжанковым можа ўдарыць па стаўленні да беларусаў у Еўропе
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1111
Каментары
Но это же не так. Вы считаете, что резервуары строили только для того, чтобы они были, потому что это красиво? Или они как-то сглаживают неравномерность поставок нефти или отгрузок нефтепродуктов? А если сглаживают, где хранить избытки при отсутствии резервуаров?
В военном плане это не поможет, если они думают что население в рф что-то решает, то уровень квалификации печальный.