У Мазыры двое тынейджараў скралі ровары. Але яны і не падазравалі, што паўсюль відэакамеры ВІДЭА
Здарэнне адбылося 12 студзеня ў Мазыры. У міліцыю звярнуўся мясцовы жыхар: у шматпавярховым доме па бульвары Юнацтва ў яго скралі два горныя ровары «Стэлс». Ён распавёў, што ровары зніклі з абароненага тамбура, які гаспадары забыліся зачыніць. Ды і ровары яны ніколі не прышпільвалі, паведамляе абласная міліцыя.
Супрацоўнікі крымінальнага вышуку адразу ж вывучылі запісы з камер відэаназірання, ўнутры і звонку пад'езда. Стала зразумела, што ровары выкацілі пасля 23-х гадзінаў 12 студзеня двое маладых людзей. Яны прайшлі за жыхарамі дома, калі тыя заходзілі ў пад'езд, прытрымалі дзверы, абсталяваныя дамафонам. Пракрасціся ўнутр ім не склала праблем.
Супрацоўнікі Інспекцыі па справах непаўналетніх па відэа апазналі аднаго з выкрадальнікаў. 16-гадовы хлопец пражываў недалёка ад гэтага дома і трапляў у поле зроку інспектараў. Бацькі патлумачыць, дзе іх сын, не змаглі. Сам жа хлопец пасля званка ўчастковага сваё месцазнаходжанне не назваў, але абяцаў, па магчымасці, у райаддзел міліцыі прыбыць.
Чакаць гэтага не сталі. У той жа дзень міліцыянты затрымалі падлетка і яго 16-гадовага сябра на Прымаставой плошчы раённага цэнтра. Маладыя людзі каталіся на тых самых роварах.
З іх тлумачэнняў стала зразумела, што да гэтага яны паспелі абследаваць яшчэ некалькі пад'ездаў у іншых дамах, але рэалізаваць задуманае ўдалося толькі ў гэтым.
Цяпер чытаюць
«Мы даём Штатам тое, што яны хочуць». Расійскі канал апублікаваў відэа, якое называюць запісам Рыжанкова схаванай камерай у машыне14
Каментары