Згуртаванне беларусаў свету «Бацькаўшчына» звярнулася да прэзідэнта Літвы просьбай дапамагчы захаваць помнік Каліноўскаму на Лукішках.
Згуртаванне беларусаў свету «Бацькаўшчына» звярнулася да прэзідэнта Літвы Валдаса Адамкуса просьбай дапамагчы захаваць помнік Каліноўскаму на Лукішках.
Міжнароднае грамадскае аб’яднанне «Згуртаванне беларусаў свету «Бацькаўшчына» звярнулася да прэзідэнта Літвы Валдаса Адамкуса з просьбай дапамагчы захаваць помнік Кастусю Каліноўскаму ў Вільнюсе на Лукішках, якому пагражае знішчэнне ў сувязі з рэканструкцыяй плошчы.
У звароце выказваецца глыбокая занепакоенасць тым, што планы рэстаўрацыі Лукішскай плошчы Вільні не прадугледжваюць захаванне крыжа — помніка Кастусю Каліноўскаму і іншым змагарам нацыянальна‑вызвольнага паўстання 1863‑1864 гг.
«Пакараны смерцю на Лукішскай плошчы 22 сакавіка 1864 г. кіраўнік паўстання … Кастусь Каліноўскі вось ужо другое стагоддзе з’яўляецца сімвалам гонару славы і змагання за незалежнасць беларускага і літоўскага народаў. К. Каліноўскі першым узняў пытанне ў Літоўскім правінцыяльным камітэце — Часовым урадзе Літвы і Беларусі — аб праве нацыі на самывызначэнне. Ён марыў, каб Беларусь і Літва зрабіліся зноў самастойнымі і мелі сваю дзяржаўнасць, таму пастаянна адстойваў самастойнасць Літоўскага камітэта перад Польскім нацыянальным камітэтам», ‑‑ зазначаецца ў звароце.
«Інфармацыя, што шэсць з сямі праектаў упарадкавання Лукішскай плошчы не прадугледжваюць захаванне мемарыяльнага крыжа — помніка К. Каліноўскаму і нацыянальным змагарам, усталяваны шмат гадоў таму, выклікала моцную занепакоенасць нацыянальнай інтэлігенцыі Беларусі і замежжа», ‑‑ звяртае ўвагу ЗБС «Бацькаўшчына»
і просіць прэзідэнта Літвы В. Адамкуса зрабіць усё магчымае, каб віленскія ўлады ў канчатковым праекце рэстаўрацыі захавалі мемарыяльны комплекс, прысвечаны Кастусю Каліноўскаму на Лукішскай плошчы.
Каментары