Лукашэнка расказаў, чаму не карыстаецца смартфонам і іншымі гаджэтамі
Аляксандр Лукашэнка, размаўляючы з калектывам Шклоўскага завода газетнай паперы, расказаў, чаму не карыстаецца смартфонам і іншымі гаджэтамі, перадае БЕЛТА.
«Можа, гэта і дрэнна: у мяне нават няма мабільнага тэлефона. Гляджу: мае калегі-прэзідэнты сядзяць, тыкаюць у гэтыя «айфоны» і іншае. Я гэтым не займаюся. Я ведаю, што такое бяспека. Справа нават не ў гэтым: у мяне ёсць каму гэтым займацца», — распавёў Аляксандр Лукашэнка.
Па словах кіраўніка дзяржавы, калі яму нехта і тэлефануе па мабільным тэлефоне (а гэта адбываецца вельмі рэдка), то ад'ютант яго прыносіць. «Але я амаль па гэтай сувязі не размаўляю, — падкрэсліў ён. — Зараз гэтыя гаджэты ў вас у кішэні, і, дзе б вы ні былі, вас бачаць тыя, хто трэба. Вам гэтага хочацца? Не».
Аляксандр Лукашэнка таксама адзначыў адмоўны ўплыў радыёхваль на здароўе чалавека і разам з выгодамі інтэрнэту ўспомніў пра магчымую небяспеку штучнага інтэлекту.
Цяпер чытаюць
Як журналістка «Нашай Нівы» шукала пару на праваслаўным сайце знаёмстваў. Падкаціў і Талай18
Каментары