Велагоншчык, які казаў пра «мёртвую беларускую мову», скончыў кар’еру праз праблемы са здароўем
Вядомы беларускі велагоншчык Васіль Кірыенка ва ўзросце 38 гадоў абвясціў аб завяршэнні кар'еры праз праблемы са здароўем, паведамляе by.tribuna.com.
«Гэта сумны дзень, але я вымушаны прыслухацца да парад лекараў каманды. У мяне была выдатная кар'ера, я атрымліваў асалоду ад кожнага яе моманту. Гэта было неверагоднае падарожжа. Удзячны ўсім, хто мяне падтрымліваў», — сказаў Кірыенка.
Васіль Кірыенка з'яўляецца шматразовым удзельнікам «Джыра д'Італія». Тройчы станавіўся пераможцам этапаў веламнагадзёнкі, а таксама этапу «Вуэльты». У 2015-м годзе выйграў чэмпіянат свету на шашы і трэку. Чатырохразовы чэмпіён Беларусі, двойчы выйграваў Еўрапейскія гульні.
Нагадаем, у 2016 годзе велагоншчык Васіль Кірыенка трапіў у скандал. Ён заявіў, што лічыць беларускую мову мёртвай, і што яму цікавей ведаць мову баскаў.
Чытайце таксама: Велагоншчык Васіль Кірыенка: Беларуская мова — мёртвая, мне цікавей ведаць мову баскаў
Браты-блізняты прыйшлі працаваць у міліцыю. Адзін з іх пераплыў раку і ўцёк з Беларусі, каб не займацца палітычнымі справамі. Пагутарылі з ім1
Каментары