Сям'я шукае ахвотных арганізаваць беларускамоўны першы клас у Заслаўскай гімназіі
«Мы з вельмі вялікай верагоднасцю да канца лета пераедзем у гэты цудоўны старажытны горад, — піша вядомы астраном і фатограф Віктар Малышчыц на старонцы ў фэйсбуку. — А нашай Адэльцы якраз трэба ісці ў першы клас. І, на жаль, нават у радыусе 10 кіламетраў ад горада аніводнай беларускамоўнай школы няма. Не, ёсць, праўда, у Лашанах (ад нас да яе будзе кіламетраў 8), але, калі верыць іх сайту і групе ў ВК, беларуская мова там толькі на шыльдах (і, на жаль, гэта распаўсюджаная з'ява сярод многіх вясковых «беларускамоўных» школ).
У Заслаўскай гімназіі дырэктар на чыстай беларускай сказаў нам, што не супраць стварыць беларускамоўны клас, калі набярэцца хаця б чалавек 10. Таму і пытаюся: можа, ёсць тыя, хто збіраецца аддаваць дзетак у першы клас у Заслаўі і хацеў бы, каб яны вучыліся па-беларуску?
Думаю, што варыянт быў бы цікавы і тым, хто жыве побач з горадам. Сярод плюсаў будзе маленькі калектыў — а значыць, і больш індывідуальны падыход да кожнага, а таксама магчымасць вывучаць/карыстацца мовай», якая даўно павінна была б стаць адзінай дзяржаўнай».
Калі вас зацікавіла прапанова, пішыце спадару Віктару на [email protected] або ў прыват.
Цяпер чытаюць
«Пра нешта мы не гаворым, памоўчваем». Лукашэнка з цяжкасцю гаварыў, але настройваў генералаў на барацьбу за мір да апошняй кроплі крыві11
«Пра нешта мы не гаворым, памоўчваем». Лукашэнка з цяжкасцю гаварыў, але настройваў генералаў на барацьбу за мір да апошняй кроплі крыві
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю4545
Каментары